BARBAGAIN- BASO SORGINDUA
Abenduaren 15ean
8:30ean Tabakalera (Kotxez)
Urbasara itzuliko gara parke naturalean barrena ibilbide labur baina ikusgarri hau egitera.
“Morterutxoko bidezidor” parajeko aparkalekuan hasiko gara, Urbasa gaineko aparkalekuan, eta laster ikazkinen gune zaharrean sartuko gara. Bertan, pagoak dira landaredi nagusia.
Bide eroso batetik aurrera egingo dugu baso sorginduaren hasieraraino, bertan harrizko irudiek eta gure irudimenak argiz eta itzalez betetako lur batean egun ona pasaraziko digute. Igotzen jarraituko dugu, gure eskuinerantz desbideratu arte, forma arraroak, zuloak dituzten landaretzaz inguratutako harkaitzezko blokez osatutako eremu batera jaisteko. Merezi du paraje honetan galdu eta gozatzea.
Udazkena da, eta, beraz, basoa koloreen konbinazio ikusgarria da, eta lurra hostoen alfonbra; izaera karstikoko lur-eremua da, eta ezin konta ahala kobazulo eta leizez osatuta dago. 200 baino gehiago zenbatu dira, urak harkaitzean eragindako higaduraren ondorioz.
Gora jarraituko dugu iparraldeko ertzera iritsi arte, eta Sakana, Aizkorri eta Aralar bailararen bista bikainak ikusiko ditugu.
Ezin genuen eguna amaitu Barbagain gaina (1.153m) igaro gabe, gailur hau Burunda bailararen gainean dago. Harri esekia da eta burdinazko gurutze bat du, Altsasun egina 1960. urtean. Behin gailurrera iritsita, jaitsiera ez da zaila, normalean igotzen den bideari jarraituz pagadian behera aparkalekura jaitsi arte.
11 kilometro inguruko ibilbidea izango da, eta 400 metroko desnibela.
Izena emateko:
-Latxaga, Aitor Ikastola Konkorrenea.
-Mª Reina Ikastola
-Intxaurrondo Hegoa Ikastola
-Lauaizeta
Agur eta ondo izan !!